Archive

Posts Tagged ‘OST’

Date with the cute

September 11, 2009 2 comments

კვირაში რამდენჯერმე, მაქვს ხოლმე ეგრედწოდებული “ჩაციკვლები”, ამა თუ იმ სიმღერაზე. მინდა ამ ორი დღის განმავლობაში, ჩემი ჩარტების ლიდერზე ვთქვა ერთი-ორი სიტყვა.

მორის სინდეკის where the wild things are, ერთ-ერთ საუკეთესო საბავშვო წიგნად ითვლება, ხოლო სპაიკ ჯონსი რეჟისორთა იმ მცირედ კატეგორიას განეკუთვნება, ვისაც “ვიზიონისტის” სტატუსი, გიგანტური ბიუჯეტითა და მასებზე გათვლილი ფილმებით არ მოუპოვებია. სწორედ ამ წიგნის ადაპტაციისათვის დაწერილი OST-ს ერთ-ერთი კომპოზიცია, აგერ უკვე 48 საათია ყურში ჩამესმის და უდიდეს სიამოვნებას მანიჭებს.

ფილმის საუნდტრეკებზე მუშაობდა Karen O (YYY) და არცაა გასაკვირი, რომ ჯონსმა სწორედ მას მოუხმო თავის სურათისათვის სიმღერების დასაწერად. აქ არაფერშუაშია ის ფაქტი, რომ კერენი მისი ex gf არის, ალბათ სპაიკმა კარგად გააცნობიერა, რომ არტ-პანკის დედოფალი O, საუკეთესოდ მოარგებდა ფილმის სიუჟეტს თავის მუსიკას. საბოლოოდ, მუსიკის მხრივ ყველაფერი იდეალურად გამოვიდა და იმედია ფილმიც ასეთივე მშვენიერი იქნება.

მოკლედ, ისიამოვნეთ, Karen O and The Kids – All is love.

© ბაჩო ოდიშარია